Putz und pfleg dini Zänd – so guät du chasch!
– Luäg, dass du so wenig wiä möglich Zucker issisch, aber auch liäbär Wasser schtat Süäsgetränk drinkisch. Äs gid mittlerwilä ganz vil guäti Alternativä, wenns um dä Zucker i dä Läbensmittel gad.
– Putz immer nach jedem Ässä dini Zänd und ned nur, wenn du i d’ Schuäl muäsch! 😉 Au an dä friä Täg döfed Zänd suber si.
– La diär vo dim Mammi oder dim Dädi – sicher bis is Alter wo du i d’Schuäl chunsch am Abig bim Zändputzä no hälfä. Dämit sicher einisch am Tag dini Zändli guät putzt sind.- s’Bettmümpfeli am Abig wird vor äm Zändputzä gässä und ned derna, da susch dä gfärlich Zahnbelag über diä ganzi Nacht auf dinä Zähnd wür haftä blibä.
– Zeig das au dinä Gschpändli, wiä’s richtig gad.
Vorsicht – Karies grift a – dä gröschti Gägner vo dinä Zänd!
Dä gröschti Gägner vo dinä Zänd isch zwifellos Karies, mä seid äm au Zahnfühli. A’fa duäd Karies normalerwis am Bodä vo dä Zahnfaltä oder au a dä Berüerigspünkt zwüschä dä Zänd. Am Afang vo derä «Chranked» tut’s ned weh. Aber dur immer mee Karies wird dä Zahnschmelz agriffä und es enschdad äs Loch im Zand, was däzuä füärt, dass dä Zand komplet kaput gad. Dä kaputi Zand isch jetzt sehr empfindlich gägä kalti Luft, aber au gägä süässi, heissi oder au kalti Getränk und Nahrigsmittel.
Drum lohnt sich’s von Afang a guät zu dinä Zänd z’luegä, indem du ned duränd Süesses issisch, dini Zänd nach jedem Ässä guät putzisch und regelmässig i d’Kontrollä zu dim Familiäzahnarzt gasch. Miär underschtützed dich sehr gärn däbi.
dini Familienzahnarzt Schwyz AG
Quelle: Aus der Buchreihe «Mein Körper – Was ist das? – die Zähne»
eine de Agostini Spiel- und Lernsammlung – erschienen 1994 Orbis Publishing (Procidis, Albert Barillé)
